ما هو ملف Robots.txt؟ دليلك الشامل لفهمه واستخدامه لتحسين ظهور موقعك في نتائج البحث

 إيه هو ملف Robots.txt؟

وليه هو ممكن يكون السبب إن موقعك يظهر أو يختفي من جوجل وانت

مش واخد بالك؟

في كل موقع على الإنترنت فيه ملف صغير كده اسمه robots.txt

الملف ده بيبقى موجود في جذر الموقع (يعني /public_html أو /root بتاعك)

المهمة بتاعته إنه يقول لعناكب جوجل وباقي محركات البحث:

تعالوا هنا

ابعدوا عن هنا

بمعنى:

لو فيه صفحة انت مش عايزها تظهر في جوجل… أو قسم كامل

بتكتب في الملف ده أمر يمنع العناكب تدخل عليه

لكن الكارثة بقى لما حد — من غير ما يقصد — يمنع جوجل يدخل على صفحات مهمة

زي صفحة الهوم أو البروفايل أو المقالات

وساعتها… موقعك كله يبقى برا جوجل وانت مش فاهم ليه!

مثال عملي:

لو كتبت كدا في ملف robots.txt:

User-agent: *

Disallow: /

ده معناه إنك بتقول لأي عناكب (سواء جوجل أو غيره):

متدخلش خالص على الموقع بتاعي

وعلى العكس:

User-agent: *

Allow: /

يعني:

اتفضل يا معلم خش وشف كل حاجة.

أعمل إيه دلوقتي؟

ادخل على: www. اسم موقعك. com/robots.txt

وشوف الملف مكتوب فيه إيه

لو لقيت فيه حاجة بتمنع الصفحات المهمة… امسحها أو عدلها

لو معندكش خبرة… جرب تشوف ChatGPT تحط الكود هناك وتجربه قبل ما ترفعه

لو بتشتغل بـ RankMath أو Yoast هتلاقي فيه مكان تعدل منه الملف بسهولة

نصيحة

متسيبش أي حاجة عشوائية في ملف robots.txt

عشان ده ممكن يكون سبب في ضياع ترتيبك وانت مش داري.